5 ՔԱՅԼ ԱՎԵԼԻ ՀԱՄԵՂ ԿՈԿՏԵՅԼ ՊԱՏՐԱՍՏԵԼՈՒ ՀԱՄԱՐ

Դուք երբևէ մտածե՞լ եք, թե ինչու ձեր պատրաստած կոկտեյլները նման չեն պրոֆեսիոնալների պատրաստածներին: Հաճախ դրանք չնչին բաներ են, որոնք կարող են էական տարբերություն տալ համի մեջ:

Ստորև ձեզ ենք ներկայացնում 5 քայլ, որ ձեզ կօգնեն ավելի համեղ կոկտեյլ պատրաստել:

Քայլ 1. Թարմացնել խմիչքների տեսականին

Զգալի տարբերություն կա խմիչքների պահարանի վերին և ներքին դարակներում շարված խմիչքների միջև: Ձեր ունեցած խմիչքները պետք է լինեն որակով մի պարզ պատճառով, որ հենց դրանք են կոկտեյլի հիմնական բաղկացուցիչները:

Տարբերությունը չափազանց մեծ է 5 դոլարանոց և 40 դոլարանոց ջինով պատրաստված <<Մարտինի>> կոկտեյլների միջև: Սակայն սա ամենևին էլ չի նշանակում, որ պետք է մի ամբողջ կարողություն ծախսել խմիչքի խանութ մտնելիս: Կարելի է գնել միջին բրենդների խմիչքներ, որոնք հիանալի են և ոչ այնքան թանկ:

Խմիչքների ամենապարզ թարմացումը ճիշտ ուղու վրա կկանգնեցնի ձեզ: Սա լավ կոկտեյլ պատրաստելու առաջին քայլն է:

Քայլ 2. Օգտագործեք միայն թարմ բաղադրամասեր

Ձեր կոկտեյլների համար ընտրեք հնարավորինս թարմ և ոչ թե պահածոյացված բաղադրամասեր: Սա վերաբերում է հիմնականում մրգային հյութերին, սակայն այս խորհուրդը պետք է կիրառել նաև այլ խառնուրդների համար, ինչպիսիք են, օրինակ, սոդայաջուրը, սովորական օշարակը:

Թարմ միրգ գնելու դեպքում  որակյալ հյութ ստանալը երաշխավորված է. հյութաքամիչի օգնությամբ կարելի է ստանալ թարմ մրգային հյութ:

Քայլ 3. Համեմատել խմիչքի և բաժակի ջերմաստիճանները

Առաջին հայացքից այս գործընթացն անիմաստ է թվում, սակայն դա մեծ տարբերություն է տալիս կոկտեյլների որակների միջև:

Երբ սառը խմիչքը լցնում են սառեցված բաժակի մեջ, այն պահում է իր սառնությունն ու համը:

Բաժակը սառեցնելը բարդ գործընթաց չէ. մոտ մեկ րոպե այն դնել սառցախցիկ կամ ողողել սառը ջրով և սառույցով և վերջ: Նույն եղանակն օգտագործվում է տաք խմիչքների դեպքում: Տարբերությունը միայն բաժակի տաք ջրով ողողելն է:

Քայլ 4. Ձևավորումն ըստ բաղադրության

Ոչ բոլոր կոկտեյլներն են, որ անհրաժեշտ է ձևավորել, բայց նրանք, որոնք պետք է զարդարել, ասենք, կիտրոնով, լայմով, նարնջով կամ այն ամենով, ինչ պահանջվում է, համի համար է:

Ձևավորումն ամբողջացնում է նաև խմիչքի մատուցումը: Այն կարևոր է, եթե անգամ դրա բացակայությամբ էլ կոկտեյլի պատրաստումը ավարտուն է և, անշուշտ, իր մեծ դերն ունի կոկտեյլ պատրաստելիս:

Քայլ 5. Չափել ամեն ինչը

Բաղադրամասերը չափելը այնքանով է կարևոր, որպեսզի ոչ մի բաղադրիչ չկորցնի իր համը: Շատերն անտեսում են այս քայլը: Անշուշտ, շատ բարմեններ, ովքեր աշխատում են մարդաշատ վայրերում, դժվար թե հատ-հատ չափեն խմիչքները, սակայն նրանք արդեն գիտեն չափը, և այդ ամենը արվում է մեքենայաբար:

Չափման գործընթացը նրա համար է, որ կոկտեյլը պատրաստվի ըստ բաղադրատոմսի, և մի բաղադրամասի շատ կամ քիչ պարունակությունը կոկտեյլում չխախտի նրա իրական համը:

ՍԻՆԳԱՊՈՒՐՅԱՆ ՍԼԻՆԳ (SINGAPORE SLING)

Դասական կոկտեյլի տեսակ է, որը աշխարհում շատ հաճախ բազմազան ձևերով երևում է խմիչքի ցանկերում: 
Սինգապուրյան Սլինգը առաջին անգամ պատրաստվել է Սինգապուրում: Մինչ կոկտեյլի ստեղծման ճշգրիտ տարեթիվը քննարկվում է, շատերը համոզված են, որ այն առաջին անգամ պատրաստել է  չինացի բուֆետապան միստր Նգյամ Թոնգ Բունը` Սինգապուրի Ռաֆֆըլզ Հոթելի Լոնգ բարում: Կարծում են, որ բուֆետապանը կոկտեյլը պատրաստել է 1910-1915թթ. ընկած ժամանակահատվածում:

Կոկտեյլը, որ պատրաստվում է ջինի, բալի թրմօղու, <<Բենեդիքթայն>> լիկյորի և դառը գարեջրի ու <<Կուանտրոյի>> հավասարաչափ խառնուրդով և ամբողջացվում արքայախնձորի, կիտրոնի հյութի և նռան օշարակով, ձևափոխել է օրիգինալն ստեղծողի եղբորորդին` 20-րդ դարի կեսերին:
Նորացված բաղադրատոմսն օգտագործվել է սկսած այդ շրջանից և համարվում է ժամանակակից Սինգապուրյան Սլինգի հիմքը:
Ռաֆֆըլզ Հոթելի թանգարանում այցելուները կարող են տեսնել այն պահարանը, որտեղ միստր Նգյամը կողպել է իր գաղտնի կոկտեյլների բաղադրամասերի գրքերը: Այդտեղ ներառված է նաև Սինգապուրյան Սլինգի հապճեպ գրված մի բաղադրատոմս, որն արագ գրի է առել մի այցելու` 1936 թվականին, երբ բուֆետապանից խնդրել է այն:
Այսօր խմիչքը մատուցվում է Սինգապուրյան ավիաուղիների բոլոր թռիչքների ժամանակ, ինչպես նաև հիշատակվում է հայտնի գրքերում և ֆիլմերում, այդ թվում` Որսորդ Թոմսոնի <<Երկյուղը և ատելությունը Լաս Վեգասում>> ֆիլմում, որտեղ գլխավոր կերպար Ռաուլ Դյուկը խոսում է ըմպելիքի մասին:

Դեռևս կարելի է Սինգապուրյան Սլինգ պատվիրել Ռաֆֆըլզ Հոթելի Լոնգ բարում, որտեղ Քիփլինգի նման մեծությունները և ուրիշներ, ինչ-որ ժամանակ գուցե ըմպել են այս հայտնի մրգային կոկտեյլը:

Բաղադրությունը
1.5 ունցիա ջին (1 ունցիա = 28.3 գրամ)
1 ունցիա կիտրոնի հյութ
0.25 ունցիա շաքարաջուր
1.5 թեյի գդալ շաքարի փոշի 
2 ունցիա սոդայաջուր
0.5 ունցիա բալի թրմօղի
սառույց
1 շերտ կիտրոն, բալ և արքայախնձոր (ձևավորման համար)


Պատրաստման եղանակը
1. ջինը, կիտրոնի հյութը, շաքարաջուրը, շաքարի փոշին և սառույցը լցնել շեյքերի մեջ և խառնել
2. քամել բարձր բաժակի մեջ և ավելացնել սոդայաջուրը
3. ավելացնել բալի թրմօղին (այնպես, որ մնա խառնուրդի վերին շերտում)
4. ձևավորել կիտրոնի շերտով, բալով և արքայախնձորով

La Capilla

Տեկիլյա

Լա Կապիլյան մեքսիկական Տեկիլյա քաղաքի ամենահայտնի բարն է: Այն մի հասարակ բար է` շատ գեղեցիկ աթոռներով և քանդակներով զարդարված  սեղաններով:

Ի տարբերություն բարի հասարակ լինելուն` խմիչքն այստեղ աննկարագրելի է:

Բարի սեփականատերը և միաժամանակ բարմենը` Դոն Խավիեր Դելգադոն, ամեն անգամ, սկսած 80-ականներից հաղթել է բարմենների մրցույթում: 

Բարի կոկտեյլները հիանալի են ի շնորհիվ հենց սեփականատիրոջ` Դոն Խավիեր Դելգադոյի:

ԼՈՆԴՈՆԻ ԼԱՎԱԳՈՒՅՆ ԿՈԿՏԵՅԼ ՄԱՏՈՒՑՈՂ ԲԱՐԵՐԸ

Եթե դուք կոկտեյլների անհագ ախորժակ ունեք, ապա հաստատ կհավանեք Լոնդոնի կոկտեյլ մատուցող բարերը: Այդ բարերում կոկտեյլները առաջնակարգ են, բարմենները` փորձառու, սպասարկումը` արտակարգ:

Այժմ դրանք ներկայացնում եմ ձեր ուշադրությանը:

BARRIO CENTRAL

Աշխարհահռչակ կոկտեյլների, գարեջրերի և գինիների լայն տեսականի ունեցող այս բարում խմիչքները դասակարգվում են ըստ տարածաշրջանների:

Իրոք, անասելի լայն ռոմի և տեկիլայի տեսականի է պարունակում բարը, որը յուրաքանչյուր սեզոնին ունի իր հավաքածուն: 

Բարի այցետոմսը` <<Նո Բրեյներ>> կոկտեյլն է:

BARRIO NORTH

Լատինական ոճով ձևավորված այս բարում, աշխատում են կոկտեյլների գիտակներ: Կոկտեյլներն այստեղ էկզոտիկ են և մթնոլորտը նույնպես էկզոտիկ է:

Արևադարձային անձրևանոցները, մեքսիկական թղթե լապտերները, իսպանական կղմինդրը և տրամադրող մթնոլորտը երաշխավորում են ձեր` այս բարում սպասվող բարձր տրամադրությունը:

ADVENTURE BAR & LOUNGE

Քիչ լուսավորությունը և հասարակ կահավորանքը  բարում տիրող մթնոլորտը դարձնում են անկաշկանդ: 

Այստեղ մատուցվող խմիչքների տեսականին առաջնակարգ է: Կոկտեյլները պատրաստվում են միայն բարձրորակ բաղադրամասերից: Բարմենները  փորձառու են և պատվերները կատարում են շատ արագ:

THE ARTESIAN WELL

<<THE ARTESIAN WELL>>-ը մի չափազանց յուրօրինակ բար է: Մի հիանալի վայր, որն ունի երեք հարկ` երկու պարահրապարակ, մեկ VIP սենյակ, ծխելու համար նախատեսված բացօթյա պատշգամբ` որտեղից էլ մի հրաշալի տեսարան է բացվում դեպի Լոնդոն:

Բարում մինչև ժամը 21:00-ն կոկտեյլները կես գնով են մատուցվում: Ի դեպ, այստեղ է մատուցվում քաղաքի ամենալավ Մոխիտոն:

HONEYMOON COCKTAIL

Հանիմուն կոկտեյլը Հոլիվուդի <<Բրաուն դերբի>> ռեստորանի այցետոմսն է: 1930-ական թթ. այս ռեստորանը ամենահայտնիներից մեկն էր աշխարհում:

Կոկտեյլի մի փոքր քաղցրությունը, մի քիչ չորությունն ու ցիտրուսի համը նրան տալիս են յուրօրինակ համ:

Բայց ինչու՞ <<Հանիմուն>> (մեղրամիս): Թերևս այս անվանումն առնչվում է մի դասական ֆիլմի որև է դրվագի հետ:

Բենեդիքթայն

Բաղադրությունը

2 ունցիա խնձորի բրենդի  (1 ունցիա = 28.3 գրամ)

0.5 ունցիա Բենեդիքթայն

0.5 ունցիա նարնջի կուրակաո (ալկոհոլային թունդ խմիչք)

0.5 ունցիա կիտրոնի թարմ հյութ

կիտրոնի կեղև ձևավորելու համար

Պատրաստման եղանակը

Նարնջի կուրակաո

1. բոլոր բաղադրամասերը լցնել սառույցով լի շեյքերի մեջ և խառնել

2. լցնել կոկտեյլի բաժակի մեջ

3. ձևավորել կիտրոնի կեղևով

Dry Martini Bar

Բարսելոնա

Բանալին հենց անվան մեջ է:

Այս բարը կոկտեյլի հռչակավոր դամբարան է և այստեղ գիտեն խմիչքը պատրաստելու բոլոր գաղտնիքները: 

Գտնվելով BCN-ի Էյկզեմիլ տարածքում, բարի պատերն ամբողջությամբ ծածկված են խմիչքների նկարներով և այստեղ խնջույքները միշտ լի են մարդկանցով, ովքեր վայելում են մատուցվող հիանալի կոկտեյլները:

ՄԱՅ ԹԱՅ (MAI TAI)

Մրգային տրոպիկական մի կոկտեյլ կրկին վիճարկելի պատմությամբ: Խմիչքը, որը պատրաստվում է սպիտակ և ոսկեգույն ռոմերի, արքայախնձորի հյութի, նարնջի կամ կիտրոնի հյութի խառնուրդից, չնայած պոլինեզիական անվանը` ունի ամերիկյան ծագում: Ընդունված պատմությունը, այնուամենայնիվ, այն է, որ առաջին անգամ խմիչքը խառնել է Վիկտոր Բյուրգոնը` պոլինեզիական մի ռեստորանում, որը գտնվում էր Օքլենդում` Կալիֆորնիայում: 

Հավանաբար Բյուրգոնը կոկտեյլը` Մայ Թայը, պատրաստել է Թայիթիից եկած ընկերների համար 1944թ.: Ընկերները խմիչքը փորձելով բղավում են` <<Մայթայ ռոա>>, որը թարգմանաբար նշանակում է <<շատ լավն է>>: Այստեղից էլ անունը: Այնուամենայնիվ, ինչպես շատ հայտնի կոկտեյլների, Մայ Թայի պատմությունը նույնպես վիճարկելի է:

Կա ևս մի վարկած, ըստ որի կոկտեյլ առաջին անգամ խառնվել է 1933թ. թայվանյան ռեստորանների, բարերի և ակումբների հայր` դոն Բիչի հոլիվուդյան նորաբաց մի ռեստորանում: Դոն Բիչը հայտնի է որպես պոլինեզիական ոճի ռեստորանների ստեղծող, որոնք լայն տարածում գտան հատկապես Երկրորդ համաշխարհայինից հետո: Այսուհանդերձ, ստեղծված լինելով Կալիֆորնիայում, մրգային այս խմիչքը ասոցացվում է Հավայան կղզիների հետ: 

Բաղադրությունը

1 ունցիա սպիտակ ռոմ (1 ունցիա = 28.350 գրամ)

1 ուցիա մուգ ռոմ

0.5 ունցիա կիտրոնի հյութ

0.5 ունցիա նարնջի հյութ

0.5 ունցիա օշարակ

բալ, արքայախնձոր և կիտրոն

Պատրաստման եղանակը

1. բոլոր բաղադրամասերը (բացի մուգ ռոմից) լցնել շեյքերի մեջ և խառնել

2. լցնել կոկտեյլի բաժակի մեջ

3. մուգ ռոմն ավելացնել այնպես, որ մնա վերին շերտում

4. ձևավորել բալով, արքայախնձորով և կիտրոնով

The Penthouse

Մադրիդ

Պենտհաուզը, որի սեփականատերը Ռանդե Գերբերն է, գտնվում է Մադրիդի Ռեյնա Վիկտորիա հյուրանոցի տանիքին: Այստեղից մի հիանալի տեսարան է բացվում դեպի Մադրիդի կենտրոնը:

Հաճախորդները արտակարգ զգեստներ են կրում, սպասուհիները ծխում են, խմիչքները թանկ են և բարը միշտ լի է իսպանական խնջույքներով:

Le Lion

Համբուրգ

<<Le Lion>>-ը Համբուրգի ամենալավ բարերից մեկն է: Այն նորաոճ չէ, սակայն հարմարավետ է: Ձևավորված է փարիզյան ոճով:

Այստեղ մատուցվում է իսկապես հիանալի խմիչք: Բարմենները գիտեն իրենց գործը և նրանց գիտելիքները կոկտեյլների վերաբերյալ անսահմանափակ են: 

Սպասարկումը անթերի է, անմոռանալի երեկոն երաշխավորված: Եվ այս ամենից կարելի է ենթադրել, որ բարը այնքան էլ էժան չէ:

GARBO COCKTAIL

Համր կինոյի աստղ Գրետա Գարբոն Հոլիվուդի առաջին գեղեցկուհիներից է: Որպես խոսող կերպար նրա դեբյուտը կայացել է 1930թ.: 
Նրա առաջին և անմոռաց խոսքերն են. <<Ջիմի', մեկ բաժակ վիսկի իմբիրի գարեջրով, և ժլատություն մի' արա>>:

Գարբո կոկտեյլը մի հետաքրքիր կոկտեյլ է, որը պարունակում է անանուխի կրեմ, կոնյակ, նարնջի հյութ և <<Grenadine>>:

Բաղադրությունը
1 ունցիա կոնյակ (1 ունցիա = 28.3 գրամ)
1 ունցիա չոր վերմոութ
1 ունցիա նարնջի հյութ
0.25 ունցիա <<Grenadine>>
1 բաժին անանուխի կրեմ


Պատրաստման եղանակը
1. բաղադրամասերը լցնել սառույցով լի շեյքերի մեջ և խառնել
2. լցնել կոկտեյլի բաժակի մեջ

ՄԱՐՏԻՆԻ (MARTINI)

Կոկտեյլներից հավանաբար ամենահայտնին է, որի շուրջ արևելյան մշակույթը բազմաթիվ լեգենդներ է հյուսել:

Առաջին Մարտինին կամ Մարտինիի նման խմիչքը խառնվել է 1862-1871թթ. ընթացքում և անվանվել է Մարտինեզ: Կոկտեյլի այս հասարակ տեսակը պարունակում է քաղցր վերմոութ (գինուց  պատրաստված թունդ լիկյոր, որը պարունակում է համ տվող բազմաթիվ խոտաբույսեր), ջին, դառը գարեջուր և զարդարվում է բալով:

Կա նաև տարբերակ , ըստ որի Մարտինեզը առաջին անգամ խառնվել է 1860-ականներին: 

Այնուամենայնիվ, այս կոկտեյլը երբ էլ, որ իրականում առաջին անգամ խառնվել է, այժմ աշխարհի ամենապահանջված կոկտեյլներից մեկն է և նշանակություն չունի այն ջինով է, թե՞ օղիով:   

Բաղադրությունը

2.5 ունցիա ջին (1 ունցիա = 28.3 գրամ)

0.5 ունցիա դառը վերմոութ

դառը գարեջուր

կանաչ ձիթապտուղ և կիտրոն 

Պատրաստման եղանակը

1. վերմոութը և ջինը լցնել շեյքերի մեջ և մոտ 30 վայրկյան խառնել

2. լցնել կոկտեյլի բաժակի մեջ

3. ավելացնել դառը գարեջուրը

4. ձևավորել կանաչ ձիթապտղով կամ կիտրոնով