CHARLIE CHAPLIN COCKTAIL
Չարլի Չապլին կոկտեյլը Ուալդորֆ-Աստորիայի առաջին խմիչքներից է:
Լայմի, ծիրանի թրմօղու և ջինի խառնուրդը առաջին անգամ խառնվել է A. S. Քրոքեթի <<Հին Ուալդորֆ-Աստորիայի>> բարում, և այն մի գեղեցիկ, հրաշալի խառնուրդ էր, չնայած թանձրությանը և քաղցրությանը:
Անշուշտ խմիչքը այդպես է կոչվել հանրահայտ դերասան Չարլի Չապլինի պատվին:
Բաղադրությունը
1 ունցիա ծիրանի թրմօղի
1 ունցիա ջին
1 ունցիա լայմի թարմ հյութ
լայմի կտոր (ձևավորման համար)
Պատրաստման եղանակը
1. բոլոր բաղադրամասերը լցնել սառույցով լի շեյքերի մեջ և խառնել
2. լցնել կոկտեյլի բաժակի մեջ
3. ձևավորել լայմի կտորով
ՍԻՆԳԱՊՈՒՐՅԱՆ ՍԼԻՆԳ (SINGAPORE SLING)
Դասական կոկտեյլի տեսակ է, որը աշխարհում շատ հաճախ բազմազան ձևերով երևում է խմիչքի ցանկերում:
Սինգապուրյան Սլինգը առաջին անգամ պատրաստվել է Սինգապուրում: Մինչ կոկտեյլի ստեղծման ճշգրիտ տարեթիվը քննարկվում է, շատերը համոզված են, որ այն առաջին անգամ պատրաստել է չինացի բուֆետապան միստր Նգյամ Թոնգ Բունը` Սինգապուրի Ռաֆֆըլզ Հոթելի Լոնգ բարում: Կարծում են, որ բուֆետապանը կոկտեյլը պատրաստել է 1910-1915թթ. ընկած ժամանակահատվածում:
Կոկտեյլը, որ պատրաստվում է ջինի, բալի թրմօղու, <<Բենեդիքթայն>> լիկյորի և դառը գարեջրի ու <<Կուանտրոյի>> հավասարաչափ խառնուրդով և ամբողջացվում արքայախնձորի, կիտրոնի հյութի և նռան օշարակով, ձևափոխել է օրիգինալն ստեղծողի եղբորորդին` 20-րդ դարի կեսերին:
Նորացված բաղադրատոմսն օգտագործվել է սկսած այդ շրջանից և համարվում է ժամանակակից Սինգապուրյան Սլինգի հիմքը:
Ռաֆֆըլզ Հոթելի թանգարանում այցելուները կարող են տեսնել այն պահարանը, որտեղ միստր Նգյամը կողպել է իր գաղտնի կոկտեյլների բաղադրամասերի գրքերը: Այդտեղ ներառված է նաև Սինգապուրյան Սլինգի հապճեպ գրված մի բաղադրատոմս, որն արագ գրի է առել մի այցելու` 1936 թվականին, երբ բուֆետապանից խնդրել է այն:
Այսօր խմիչքը մատուցվում է Սինգապուրյան ավիաուղիների բոլոր թռիչքների ժամանակ, ինչպես նաև հիշատակվում է հայտնի գրքերում և ֆիլմերում, այդ թվում` Որսորդ Թոմսոնի <<Երկյուղը և ատելությունը Լաս Վեգասում>> ֆիլմում, որտեղ գլխավոր կերպար Ռաուլ Դյուկը խոսում է ըմպելիքի մասին:
Դեռևս կարելի է Սինգապուրյան Սլինգ պատվիրել Ռաֆֆըլզ Հոթելի Լոնգ բարում, որտեղ Քիփլինգի նման մեծությունները և ուրիշներ, ինչ-որ ժամանակ գուցե ըմպել են այս հայտնի մրգային կոկտեյլը:
Բաղադրությունը
1.5 ունցիա ջին (1 ունցիա = 28.3 գրամ)
1 ունցիա կիտրոնի հյութ
0.25 ունցիա շաքարաջուր
1.5 թեյի գդալ շաքարի փոշի
2 ունցիա սոդայաջուր
0.5 ունցիա բալի թրմօղի
սառույց
1 շերտ կիտրոն, բալ և արքայախնձոր (ձևավորման համար)
Պատրաստման եղանակը
1. ջինը, կիտրոնի հյութը, շաքարաջուրը, շաքարի փոշին և սառույցը լցնել շեյքերի մեջ և խառնել
2. քամել բարձր բաժակի մեջ և ավելացնել սոդայաջուրը
3. ավելացնել բալի թրմօղին (այնպես, որ մնա խառնուրդի վերին շերտում)
4. ձևավորել կիտրոնի շերտով, բալով և արքայախնձորով
HONEYMOON COCKTAIL
Հանիմուն կոկտեյլը Հոլիվուդի <<Բրաուն դերբի>> ռեստորանի այցետոմսն է: 1930-ական թթ. այս ռեստորանը ամենահայտնիներից մեկն էր աշխարհում:
Կոկտեյլի մի փոքր քաղցրությունը, մի քիչ չորությունն ու ցիտրուսի համը նրան տալիս են յուրօրինակ համ:
Բայց ինչու՞ <<Հանիմուն>> (մեղրամիս): Թերևս այս անվանումն առնչվում է մի դասական ֆիլմի որև է դրվագի հետ:
 |
Բենեդիքթայն |
Բաղադրությունը
2 ունցիա խնձորի բրենդի (1 ունցիա = 28.3 գրամ)
0.5 ունցիա Բենեդիքթայն
0.5 ունցիա նարնջի կուրակաո (ալկոհոլային թունդ խմիչք)
0.5 ունցիա կիտրոնի թարմ հյութ
կիտրոնի կեղև ձևավորելու համար
Պատրաստման եղանակը
 |
Նարնջի կուրակաո |
1. բոլոր բաղադրամասերը լցնել սառույցով լի շեյքերի մեջ և խառնել
2. լցնել կոկտեյլի բաժակի մեջ
3. ձևավորել կիտրոնի կեղևով
ՄԱՅ ԹԱՅ (MAI TAI)
Մրգային տրոպիկական մի կոկտեյլ կրկին վիճարկելի պատմությամբ: Խմիչքը, որը պատրաստվում է սպիտակ և ոսկեգույն ռոմերի, արքայախնձորի հյութի, նարնջի կամ կիտրոնի հյութի խառնուրդից, չնայած պոլինեզիական անվանը` ունի ամերիկյան ծագում: Ընդունված պատմությունը, այնուամենայնիվ, այն է, որ առաջին անգամ խմիչքը խառնել է Վիկտոր Բյուրգոնը` պոլինեզիական մի ռեստորանում, որը գտնվում էր Օքլենդում` Կալիֆորնիայում:
Հավանաբար Բյուրգոնը կոկտեյլը` Մայ Թայը, պատրաստել է Թայիթիից եկած ընկերների համար 1944թ.: Ընկերները խմիչքը փորձելով բղավում են` <<Մայթայ ռոա>>, որը թարգմանաբար նշանակում է <<շատ լավն է>>: Այստեղից էլ անունը: Այնուամենայնիվ, ինչպես շատ հայտնի կոկտեյլների, Մայ Թայի պատմությունը նույնպես վիճարկելի է:
Կա ևս մի վարկած, ըստ որի կոկտեյլ առաջին անգամ խառնվել է 1933թ. թայվանյան ռեստորանների, բարերի և ակումբների հայր` դոն Բիչի հոլիվուդյան նորաբաց մի ռեստորանում: Դոն Բիչը հայտնի է որպես պոլինեզիական ոճի ռեստորանների ստեղծող, որոնք լայն տարածում գտան հատկապես Երկրորդ համաշխարհայինից հետո: Այսուհանդերձ, ստեղծված լինելով Կալիֆորնիայում, մրգային այս խմիչքը ասոցացվում է Հավայան կղզիների հետ:
Բաղադրությունը
1 ունցիա սպիտակ ռոմ (1 ունցիա = 28.350 գրամ)
1 ուցիա մուգ ռոմ
0.5 ունցիա կիտրոնի հյութ
0.5 ունցիա նարնջի հյութ
0.5 ունցիա օշարակ
բալ, արքայախնձոր և կիտրոն
Պատրաստման եղանակը
1. բոլոր բաղադրամասերը (բացի մուգ ռոմից) լցնել շեյքերի մեջ և խառնել
2. լցնել կոկտեյլի բաժակի մեջ
3. մուգ ռոմն ավելացնել այնպես, որ մնա վերին շերտում
4. ձևավորել բալով, արքայախնձորով և կիտրոնով
ՄԱՐՏԻՆԻ (MARTINI)
Կոկտեյլներից հավանաբար ամենահայտնին է, որի շուրջ արևելյան մշակույթը բազմաթիվ լեգենդներ է հյուսել:
Առաջին Մարտինին կամ Մարտինիի նման խմիչքը խառնվել է 1862-1871թթ. ընթացքում և անվանվել է Մարտինեզ: Կոկտեյլի այս հասարակ տեսակը պարունակում է քաղցր վերմոութ (գինուց պատրաստված թունդ լիկյոր, որը պարունակում է համ տվող բազմաթիվ խոտաբույսեր), ջին, դառը գարեջուր և զարդարվում է բալով:
Կա նաև տարբերակ , ըստ որի Մարտինեզը առաջին անգամ խառնվել է 1860-ականներին:
Այնուամենայնիվ, այս կոկտեյլը երբ էլ, որ իրականում առաջին անգամ խառնվել է, այժմ աշխարհի ամենապահանջված կոկտեյլներից մեկն է և նշանակություն չունի այն ջինով է, թե՞ օղիով:
Բաղադրությունը
2.5 ունցիա ջին (1 ունցիա = 28.3 գրամ)
0.5 ունցիա դառը վերմոութ
դառը գարեջուր
կանաչ ձիթապտուղ և կիտրոն
Պատրաստման եղանակը
1. վերմոութը և ջինը լցնել շեյքերի մեջ և մոտ 30 վայրկյան խառնել
2. լցնել կոկտեյլի բաժակի մեջ
3. ավելացնել դառը գարեջուրը
4. ձևավորել կանաչ ձիթապտղով կամ կիտրոնով
GARBO COCKTAIL
Համր կինոյի աստղ Գրետա Գարբոն Հոլիվուդի առաջին գեղեցկուհիներից է: Որպես խոսող կերպար նրա դեբյուտը կայացել է 1930թ.:
Նրա առաջին և անմոռաց խոսքերն են. <<Ջիմի', մեկ բաժակ վիսկի իմբիրի գարեջրով, և ժլատություն մի' արա>>:
Գարբո կոկտեյլը մի հետաքրքիր կոկտեյլ է, որը պարունակում է անանուխի կրեմ, կոնյակ, նարնջի հյութ և <<Grenadine>>:
Բաղադրությունը
1 ունցիա կոնյակ (1 ունցիա = 28.3 գրամ)
1 ունցիա չոր վերմոութ
1 ունցիա նարնջի հյութ
0.25 ունցիա <<Grenadine>>
1 բաժին անանուխի կրեմ
Պատրաստման եղանակը
1. բաղադրամասերը լցնել սառույցով լի շեյքերի մեջ և խառնել
2. լցնել կոկտեյլի բաժակի մեջ
ԹՈՄ ՔՈԼԻՆԶ (TOM COLLINS)
Մի հայտնի պատմություն կա կապված Թոմ Քոլինզ կոկտեյլի անվան հետ: Թեև շատերը գտնում են, որ անվանումը կապված է իրական մարդու հետ, կան նաև բազմաթիվ վիճարկելի կողմեր, թե երբևէ եղել է Թոմ Քոլինզ անունով մեկը, որի անվամբ էլ հենց կոչվում է ջինի, կիտրոնի և լայմի հյութի ու սոդայաջրի խառնուրդից պատրաստվող այս կոկտեյլը:
Համաձայն մի վարկածի` կոկտեյլը ոչ թե Թոմ, այլ Ջոն Քոլինզի` 19-րդ դարասկզբի լոնդոնյան մի հյուրանոցի մատուցողի անունով է: Կոկտեյլի անունը փոխվել է Թոմ Քոլինզի ի պատիվ <<Օլդ Թոմ>> բրենդ ջինի, որպես օրիգինալ ջին, որն օգտագործվում է բաղադրատոմսում:
Ըստ մեկ այլ պատմության, որն ամենահավանականն է, անունը կապված է 1874թ. Նյու Յորք սիթիում տեղի ունեցած մի խաբեության հետ: Բանն այն է, որ մի երիտասարդի նրա ընկերներից մի քանիսը գալիս և տեղեկացնում են` իբր մի ոմն Թոմ Քոլինզ նրա հասցեին վիրավորանք է հնչեցրել և այժմ գտնվում է մի քանի թաղամաս ներքև գտնվող բարում:
Երիտասարդը շտապում է այնտեղ, սակայն ասում են, իբր Թոմ Քոլինզը գնացել է մյուս թաղամասում գտնվող բարը: Եվ այսպես երիտասարդը ոտքի տակ է տալիս ամբողջ քաղաքի բարերը` փնտրելով <<Թոմ Քոլինզին>>:
Այս կատակ-խաբեությունը այնպիսի աղմուկ հանեց, որ 1874թ. տպագրվեց տեղական թերթերից մեկում: Այս խաբեության հերոսի անունով էլ կոկտեյլը կոչվեց` Թոմ Քոլինզ:
Բաղադրությունը
1.5 ունցիա ջին (1 ունցիա = 28.350 գրամ)
1 ունցիա կիտրոնի հյութ
0.5 ունցիա շաքարի օշարակ
սոդայաջուր
բալ , կիտրոն կամ նարինջ
սառույց
Պատրաստման եղանակը
1. ջինը, կիտրոնի հյութը, շաքարի օշարակը և սառույցը լցնել քոլինզյան ոճի բաժակի մեջ և խառնել
2. ավելացնել սոդայաջուրը, բայց այնպես, որ մնա վերևի շերտում
3. ձևավորել բալով , կիտրոնով կամ նարնջով
EAST SIDE PRESS
Եթե դուք իսկապես սիրում եք իմբիր, ապա պետք է անպայման վայելեք "East Side Press":
Այս կոկտեյլի հիմնական բաղկացուցիչ մասն են կազմում` կոնյակը և իմբիրի համով Դոմայն դե Քենթոն (իմբիրից պատրաստված ֆրանսիական խմիչք):
Կոկտեյլը ունի մի փոքր քաղցրություն, մի փոքր թթվաշություն և հետաքրքիր տեսք:
Բաղադրությունը
1 ունցիա Դոմայն դե Քենթոն (1 ունցիա = 28.3 գրամ)
1.5 ունցիա կոնյակ
0.5 ունցիա կիտրոնի հյութ
1 թեյի գդալ շաքարավազ
1 ձվի սպիտակուց
5 կտոր իմբիր (ձևավորման համար)
2 կտոր շաքարապատ իմբիր (նույնպես ձևավորման համար)
Պատրաստման եղանակը
1. բաղադրամասերը լցնել շեյքերի մեջ և լավ խառնել
2. լցնել կոկտեյլի բաժակի մեջ
3. ձևավորել իմբիրի կտորներով (ցանկության դեպքում) ՄՈԽԻՏՈ (MOJITO)
Ավանդաբար Մոխիտոն պատրաստվում է սպիտակ ռոմի, շաքարի կամ շաքարաջրի, գազավորված ջրի և անանուխի խառնուրդից: Շատերի կարծիքով այն թիվ մեկ կոկտեյլն է աշխարհում: Այն սկսել են վայելել դեռևս 16-րդ դարում:
Մոխիտոյի ստեղծման պատմությունը տանում է 16-րդ դար` Կուբա, որտեղ ըմպելիքը անվանվել է <<Էլ Դրեյք>>` ի պատիվ սըր Ֆրենսիս Դրեյքի` մի հետախույզ նավաստու:
Ըստ ավանդության` խմիչքը պատրաստվել է ռոմի հասարակ տեսակի համը թաքցնելու նպատակով:
Ըմպելիքի պատրաստումն առավելապես կատարելագործվեց 19-րդ դարում` պայմանավորված պղնձե թորիչների հայտնագործմամբ, որն էլ հանգեցրեց ժամանակակից ռոմի տեսակի ստեղծմանը:
Խմիչքի այսօրվա անվանումը հավանաբար գալիս է կուբայական <<մոժո>> անունով սոուսից, որը պատրաստվում է սխտորից, ձիթապտղի հյութից և ցիտրուսի հյութից:
Հնարավոր է, որ կիտրոնի հիմնական բաղադրամաս լինելու հետ է կապված, որ խմիչքը հայտնի դարձավ որպես <<լիթլ մոժո>>` փոքր կիտրոն կամ իսպաներեն` <<մոխիտո>>:
Թեև Մոխիտոն աշխարհի գուցե առաջին կոկտեյլներից է, սակայն այն տարիների ընթացքում չի կորցրել իր ժողովրդականությունը: Իրականում խմիչքը, որն ստեղծվել է ռոմի տհաճ համը տանելի դարձնելու համար, այժմ աշխարհում լայն ճանաչում ունեցող կոկտեյլ է` հատկապես պահանջված որպես ամառային զովացուցիչ ըմպելիք:
Բաղադրությունը
2 թեյի գդալ շաքարավազ
սոդայաջուր
1 լայմ կամ կիտրոն
2 ունցիա ռոմ (1 ունցիա = 28.3 գրամ)
Պատրաստման եղանակը
1. շաքարավազը, անանուխի տերևները և սոդայաջրի մի մասը լցնել բաժակի մեջ և խառնել, որպեսզի շաքարավազը լուծվի, իսկ լուծույթը անանուխի համ ստանա
2. լայմի (կիտրոնի) կեսը ճզմել, իսկ մյուս կեսը գցել բաժակի մեջ
3. ավելացնել ռոմը և խառնել
4. ավելացնել սառույցը, մնացած սոդայաջուրը և ձևավորել անանուխով
ՍԱՅԴՔԱՐ (SIDECAR)
Մոտ 100 տարվա պատմություն ունեցող դասական կոկտեյլ է Սայդքարը` պատրաստված կոնյակի և կիտրոնի հյութի խառնուրդից: Խմիչքի առաջացումը լայնորեն քննարկվում է, բայց ամենաընդունելի տեսակետը այն է, որ ըմպելիքն առաջին անգամ պատրաստվել է Փարիզում` Առաջին համաշխարհային պատերազմի ընթացքում կամ դրանից անմիջապես հետո:
1948 թվականին գրված <<Խառը խմիչքների մասին>> գրքում Դեյվիդ Էր. Էմբրին նշում է խմիչքի հայտնաբերման մասին.
Այս կոկտեյլը հայտնի է հատկապես Անգլիայում և Ֆրանսիայում:
Բաղադրությունը
28 գր. կոնյակ
28 գր. Triple sec (նարնջի համով լիկյոր)
28 գր. կիտրոնի հյութ
կիտրոնի շերտ
սառույց
շաքարավազ
Պատրաստման եղանակը
1. կիտրոնի շերտը քսել կոկտեյլի սառեցված բաժակի օղագոտուն
2. բաժակի օղագոտին ընկղմել շաքարավազի մեջ
3. սառույցը լցնել շեյքերի մեջ
4. ավելացնել մեկ կաթիլ Triple sec, մեկ կաթիլ կիտրոնի հյութ և մեկ կաթիլ կոնյակ
5. թափահարել 6 անգամ
6. լցնել բաժակի մեջ
7. ձևավորել կիտրոնի շերտով
ԱՐՅՈՒՆՈՏ ՄԵՐԻ (BlOODY MARY)
<<Արյունոտ Մերի>> կոկտեյլի առաջացման վերաբերյալ կա մի հայտնի պատմություն, ըստ որի այն պատրաստել է հայտնի կոմիկ, ռեժիսոր և կոմպոզիտոր Ջորջ Ջեսելը:
Սակայն Ջորջ Ջեսելի այս հայտարարությունները Էրիկ Ֆելթը դիտարկեց որպես ինքնարվեստ և հայտարարեց իբր <<Արյունոտ Մերին>> առաջին անգամ խառնվել է 1940-ականներին, Նյու Յորքի սուրբ Րեջիս Հոթելում:
Բաղադրությունը
Բաղադրությունը
համ տվող բաղադրամասեր` Worcestershire սոուս,
կծու պղպեղի սոուս
