Արսեն Գրիգորյան. Հաջողակ եմ և միշտ հաջողություն եմ բերում ընկերներիս, հուսամ` "Բլոգ Բար"-ի դեպքում այն նույնպես կգործի
"Բլոգ Բար"-ի հյուրասրահի առաջին հյուրը` թատրոնի և կինոյի դերասան, հաղորդավար և երգիչ Արսեն Գրիգորյանն է: Նա այն հայտնիներից մեկն է` ով իր երեկոյան ժամանցի լավագույն տարբերակներից մեկը համարում է բար, գինետուն կամ ակումբ հաճախելը: Նրա հետ խոսել ենք իր նախընտրած խմիչքների, սիրելի բարերի և բարերում հնչող երաժշտության մասին: Հարցազրույցը ներկայացնում ենք ձեր ուշադրությանը:
-Ողջույն, բարի գալուստ "Բլոգ Բար"
-Բարի, բարի
-Հատկանշական է լինել առաջինը. դուք "Բլոգ Բար"-ի առաջին հյուրն եք, հուսամ` հաջողություն կբերեք
-Հաջողակ եմ և միշտ հաջողություն եմ բերում ընկերներիս, հուսամ` "Բլոգ Բարի" դեպքում այն նույնպես կգործի
-Բոլորիս հայտնի է, որ արվեստագետներն ապրում են բավականին հագեցած ու ծանրաբեռնված առօրյայով: Աշխատանքային օրվանից հետո այդ ծանրաբեռնվածությունը մեղմելու և լիցքաթափվելու համար ամենահաջող տարբերակներից մեկը բար հաճախելն է: Որքանո՞վ է այն կիրառելի Ձեզ համար
-Իհարկե կիրառելի է. լիցքաթափվելու կարիք միշտ կա
-Իսկ նախընտրում եք մենա՞կ գնալ, թե՞ սիրում եք, երբ Ձեզ ընկերակցում են
-Հենց այս պահին գտնվում եմ Երևանի բարերից մեկում և մենակ եմ: Շփվում եմ անծանոթ մարդկանց հետ` սփյուռքահայերի, ովքեր եկել են Երևան հանգստանալու
-Բարը սովորաբար ասոցացվում է խմիչքների հետ: Որո՞նք են Ձեր նախընտրած խմիչքները
-Տարբեր խմիչքներ եմ նախընտրում, բայց հիմնականում գերադասում եմ գինի
-Ի՞սկ կոկտեյլներից:
-<<Long Island Ice Tea>>
-Սիրու՞մ եք տանը պատրաստել կոկտեյլներ
-Տանը երբեմն կարող է պատրաստեմ, բայց ոչ միշտ
-Իսկ կա՞ կոկտեյլ, որի հեղինակը Դուք եք
-Հեղինակային կոկտեյլ չունեմ: Երբ ընկերներով հավաքվում ենք` <<Tequilla Boom>> եմ հյուրասիրում
-Շրջագայություններով լինում եք տարբեր երկրներում: Ժամանակ գտնու՞մ եք բարեր այցելելու համար
-Անպայման: Նաև պարտադիր ակումբ եմ գնում և միշտ շրջագայությունների ժամանակ ավելի եմ լիցքաթափվում
-Կա՞ որևէ բար կամ ակումբ, որ իր ինտերիերով, մատուցած խմիչքներով և սպասարկումով առանձնահատուկ տպավորություն է թողել
-Ուշ ժամերին նախընտրում եմ գարեջրատուն գնալ: Վերջին շրջանում հաճախ լինում եմ <<Deep Club>>-ում և <<Eden Cafe Pub>>-ում
-Բարերում և գարեջրատներում, ինտերիերից, խմիչքներից և սպասարկումից բացի, կարևոր է նաև հնչող երաժշտությունը, որը սովորաբար լինում է` ջազ, սոուլ, բլյուզ կամ ռեգի: Ի՞նչ երաժշտություն եք նախընտրում լսել բարում կամ գարեջրատանը
-Ձեր թվարկած բոլոր ժանրերն էլ սիրում եմ: Ավելացնենք նաև ռոք: Բոլորն էլ հաճույքով եմ լսում
-Արսեն, շնորհակալություն զրույցի համար: Վերջում` խնդրեմ Ձեր բարեմաղթանքները "Բլոգ Բար"-ին և "Բլոգ Բար" այցելող Ձեր երկրպագուներին
-Շնորհակալություն զրույցի համար: "Բլոգ Բար"-ին մաղթում եմ բազում այցելուներ, իսկ այցելուներին` բյուր հաճելի ակնթարթներ
Հարցազրույցը` Գոռ Ամիրյանի
